لا انقل هذه القصيدة   الا لانها جديدة رغم قدمها
عالمية رغم عاميتها
عمومها رغم خصوصيتها
مريرة رغم سخريتها

ومن غير الفاجومي  يستطيع ان يخرج بمعادلة كهذا …ومن غيره يستطيع ان يجأر ويقول للاعور انت اعور .. ..الفاجومي والذى اصابه عارض صحي امس  ولكن الله سلم وهو الان فى المستشفى قيد المراقبة بعد زوال الخطر عنه اثر الاشتباه بجلطة دماغية اصابته  مساء يوم الاربعاء . نسأل المولى ان يشفيه

اهدي قصيدة الفاجومي الى كل طاغية لا يعترف بأى سلطة او سلطان سوى سوى سلطة الموت وسلطان الفناء .. ..

ألف سلامة لضهر سعادتك
إحنا فداه وف رهن إشارتك
كل الشعب بتاعنا بحاله
نسي أحزانه وخيبة حاله
وبيتمنى شفاك وسعادتك
ترجع لينا بألف سلامة
ويسلم لينا ضهر سعادتك
الأسعار راح نتحملها
والأوضاع مش ح نعدِّلها
والتغيير ماحناش عايزينو
إحنا هدفنا خلاص عارفينو
ترجع لينا بألف سلامه
ويسلم لينا ضهر سعادتك
***
كرسي سعادتك جوّه عنينا وفوق الروس
مين يستجري يقرِب جنبو .. أو يتّك عليه ويدوس
الرجلين ح نمددهالك وبعون الله القاعدة كمان ح نجِّددهالك
وتعيش مرتاح العمر عليه من غير ماتحس بأى آلام
فـ الفقرات أو فـ العصعوص
بس انت كمان ماتغيبش علينا الله يخليك وتسيبنا نلوص
دى الأيام من غير تصريح من فم سعادتك ماتعديش
والأحلام من غير ماتعيشها معانا سعادتك تبقى كابوس
ألف سلامة لضهر سعادتك
إحنا فداه وف رهن إشارتك